ریاض: سعودی عرب میں غیرملکی ورکرز پر حملہ کرنے والے ملزمان گرفتار ہوگئے۔
عرب میڈیا کی رپورٹ کے مطابق مملکت کی ایک ریکروٹنگ ایجنسی میں تارکین وطن ورکرز کو حملے کا نشانہ بنایا گیا، پولیس نے کارروائی کرتے ہوئے ملزمان کو گرفتار کرلیا ہے۔
سعودی پبلک پراسیکیوشن کے ایک عہدیدار کا کہنا ہے کہ حفر الباطن کمشنری میں یہ افسوس ناک واقعہ پیش آیا تھا جس کی ویڈیو بھی سوشل میڈیا پر وائرل ہوئی، حملہ آوروں میں سعودی اور ایک غیرملکی شامل ہے۔
انہوں نے کہا کہ گرفتار ملزمان کے خلاف فوجداری کارروائی ہوگی، خصوصی عدالت کے سامنے سخت سے سخت سزا دینے کا مطالبہ کیا جائے گا۔
ان کا کہنا تھا کہ سعودی عرب میں فوجدار کے قوانین ہر فرد کو تحفظ فراہم کرتے ہیں، حملہ کرنے والوں کے لیے سخت سزائیں مقرر ہیں، اس طرح کا واقعہ اگر کسی اور کے ساتھ بھی ہو تو فوراً مطلع کریں۔
دریں اثنا وزارت افرادی قوت و سماجی بہبود کا کہنا تھا کہ جس ریکروٹنگ ایجنسی میں شہریوں پر حملہ ہوا اس کا لائسنس ضبط کرلیا گیا ہے۔
وزارت نے خبردار کیا کہ قانون محنت کے قواعد و ضوابط کی اداروں سے پابندی کرانا اس کی ذمہ داری ہے، اس حوالے سے صورتحال پر نظر رکھے ہوئے ہیں۔
