لاہور : مسلم لیگ ن پنجاب کی ترجمان عظمیٰ بخاری نے ترجمان پنجاب حکومت حسان خاور کو بلدیاتی الیکشن لڑنے کا مشورہ دے دیا۔

تفصیلات کے مطابق ن لیگ پنجاب ترجمان عظمیٰ بخاری نے میڈیا سے گفتگو کرتے ہوئے کہا کہ جب لوگ آپ کوغیرمنتخب کا طعنہ دیتےہیں تو ہمیں اچھا نہیں لگتا، میرا مشورہ ہے کہ حسان خاور صاحب اس بار بلدیاتی الیکشن لڑ لیں۔

عظمیٰ بخاری کا کہنا تھا کہ پنجاب کے بلدیاتی انتخابات میں تبدیلی سرکارکا جنازہ نکل جائے گا، الیکشن کمیشن نے بھی پنجاب حکومت کو قانون سازی کی ہدایت کی۔

ن لیگی ترجمان نے کہا کہ پی ٹی آئی ارکان عوامی غضب سے بچنے کیلئےحلقوں میں نہیں جاتے، ان کے اپنے لوگ اتنے بدزن ہیں کہ انہی کیخلاف نعرے لگ رہے ہیں ، بلدیاتی الیکشن سے فرار پی ٹی آئی نے ہر حربہ استعمال مگرقابومیں آگئے۔

ان کا کہنا تھا کہ ضمنی انتخابات ،کنٹونمنٹ بورڈ میں شکست کےڈرسےیہ پریشان تھے، بزدار سرکار اپنےہی لوکل باڈی ایکٹ میں 35ترامیم کرچکی ہے، ہر بار ان کے جعلی ایکٹ کو الیکشن کمیشن نے مسترد کردیا ہے۔

عظمیٰ بخاری نے مزید کہا کہ عمران خان کو معلوم ہے پنجاب کے عوام پی ٹی آئی کو ووٹ نہیں دےرہے ، نوازشریف ،شہبازشریف نے مخلص طریقے سےقوم کی خدمت کی، مسلم لیگ(ن) کی لیڈرشپ کا ویژن ملک اور قوم کی ترقی ہے۔