ریاض: سعودی عرب میں کورونا وائرس کے یومیہ کیسز کی تعداد میں اضافہ ریکارڈ کیا جارہا ہے۔
غیرملکی خبررساں ادارے کی رپورٹ کے مطابق مملکت میں مسلسل دو روز کے دوران کووڈ19 کے زائد کیسز سامنے آئے، قبل ازیں کورونا کے روزانہ صرف 30 یا اس سے کم کیسز رپورٹ ہوتے تھے۔
سعودی محکمہ صحت کا کہنا ہے کہ گزشتہ 24 گھنٹوں کے دوران کورونا کے 43 نئے کیسز رپورٹ ہوئے جبکہ مذکورہ دورانیے میں 1 مریض کی موت بھی ہوئی ہے۔
نئے کیسز رپورٹ ہونے کے بعد وبا سے متاثر ہونے والوں کی مجموعی تعداد 5 لاکھ 49 ہزار 955 ہوگئی۔
مملکت میں وبا سے نئی اموات کے بعد جاں بحق ہونے والے مریضوں کی کل تعداد 8 ہزار 845 ریکارڈ کی گئی۔ گزشتہ چوبیس گھنٹوں کے دوران 26 مریض کورونا سے صحت یاب ہوئے۔
کووڈ19 کو شکست دینے والے مریضوں کی مجموعی تعداد 5 لاکھ 39 ہزار 82 ہوگئی ہے۔ سعودی عرب میں کورونا کے فعال کیسز میں سے 37 مریضوں کی حالت تشویش ناک ریکارڈ کی گئی۔