متحدہ عرب امارات نے گولڈن جوبلی کی مناسبت سے پچاس درہم کا نیا نوٹ متعارف کرادیا، جسے مستقبل میں خرید و فروخت کے لیے استعمال کیا جاسکے گا۔
اماراتی نیوز ایجنسی کی رپورٹ کے مطابق مرکزی بینک کی جانب سے جاری کیے جانے والے پچاس درہم کے نوٹ پر متحدہ عرب امارات کے بانی شیخ زاہد بن سلطان کے دستخط ہیں جبکہ دوسری طرف امارات کے 7 بانی رہنماؤں کی تصاویر ہیں۔
یہ متحدہ عرب امارات کی تاریخ کا پہلا وہ نوٹ ہے جسے کاغذ پر نہیں بلکہ پولیمر دھات سے تیار کیا گیا ہے۔
امریکی کرنسی کے حساب سے پچاس درہم کے نوٹ کی مالیت 13 ڈالرز 60 سینٹ کے قریب ہے۔
متحدہ عرب امارات کے ڈپٹی پرائم منسٹر شیخ منصور بن زاہد نے تعارفی تقریب سے خطاب کرتے ہوئے کہا کہ یہ قدم متحدہ عرب امارات کی تجدید اور عہد کی جانب ایک قدم ہے، جس کے بعد امارات ایک نئے دور میں داخل ہوگا۔
انہوں نے بتایا کہ آج کے بعد سے اس نوٹ کے ذریعے مارکیٹ میں خریدو فروخت کی جائے گی۔
