معروف گلوکار اور سابق بینڈ اسٹرنگز کے ممبر بلال مقصود نے معروف سماجی شخصیت مرحوم جنید جمشید کے ساتھ اپنی ایک پرانی یاد تازہ کردی۔
گلوکار بلال مقصود نے سماجی رابطے کی ویب سائٹ ٹویٹر پر ایک ویڈیو شیئر کی جس میں اسٹیج پر جنید جمشید کو اپنے کنسرٹ میں آواز جادو جگاتے دیکھا جاسکتا ہے۔
ویڈیو میں کنسرٹ کے دوران ہی جنید جمشید اسٹیج کے پیچھے موجود بلال مقصود کو اچانک اسٹیج پر بلاتے ہیں اور کنسرٹ کے حاضرین سے ان کا تعارف کرواتے ہیں اور بینڈ ’اسٹرنگز‘ کے حوالے سے بھی بتاتے ہیں۔
بلال مقصود نے جنید جمشید کے ہمراہ یہ یادگار ویڈیو شیئر کرتے ہوئے بتایا کہ یہ ویڈیو 1991 میں دبئی میں ہونے والے ’وائٹل سائنز‘ کے کنسرٹ کی ہے جس کی میزبانی میرے والد انور مقصود کررہے تھے اس لیے میں بھی ساتھ گیا تھا۔
Remembering Junaid Jamshed.
This footage is from a Vital Signs concert in Dubai, 1991. Abbu was hosting so I went along. He didn’t have to call me on stage but he was a man with a big heart! Miss you JJ. #JunaidJamshed #VitalSigns #RememberingJunaidJamshed pic.twitter.com/ijMDQVewPH— Bilal Maqsood (@bilalxmaqsood) December 7, 2021
انہوں نے کہا کہ جنید جمشید بڑے دل کے مالک تھے جس کا ثبوت دیتے ہوئے انہوں نے مجھے اسٹیج پر اپنے ساتھ بلایا حالانکہ ان کو اس کی ضرورت نہیں تھی لیکن بلا شبہ وہ ایک عظیم انسان تھے۔
بلال مقصود نے اپنے پیغام کے آخر میں مرحوم جنید جمشید کو مخاطب کرتے ہوئے لکھا کہ ’آپ کو آج بھی یاد کیا جاتا ہے۔‘
