ڈی آئی جی کوئٹہ فدا حسن نے لڑکیوں کی نازیبا ویڈیوز اور انہیں بلیک میل کرنے والے گروہ سے متعلق کہا ہے کہ ملزم نےکسی اورلڑکی کوبلیک میل یاہراساں کیا ہے تو وہ ہمیں بتاسکتی ہے معلومات دینے والوں کا نام صیغہ راز میں رکھا جائے گا۔
اے آر وائی نیوز سے گفتگو کرتے ہوئے ڈی آئی جی کوئٹہ نے کہا کہ 2 دسمبر کو کیس سےمتعلق رپورٹ دی گئی تھی 2 خواتین آئی تھیں کہ ہماری بچیوں کو بلیک میل کیا جا رہا ہے درخواست پرملزم کو گرفتار کیا اور گھر پر چھاپہ مارا گیا ملزم کےگھرسےہمیں مزیدثبوت اورشواہدملےہیں ثبوت پنجاب فرانزک لیب بھجوائے ہیں۔
انہوں نے کہا کہ ایک سال پہلےخاتون نےگھریلوتشددکاکیس درج کرایاتھا کیس میں خاتون نے کہا ملزم میرا شوہر ہے اور تشدد کرتا ہے لیکن خاتون نےبعدمیں عدالت میں صلح کرلی تھی۔
سینکڑوں لڑکیوں کی نازیبا ویڈیوز اسکینڈل
فدا حسن کا کہنا تھا کہ کیس کی تحقیقات ہورہی ہیں ابھی بہت کچھ سامنےآئےگا تحقیقاتی ٹیم تشکیل دےدی گئی ہے، سائبرکرائم ونگ سےبھی رابطہ ہے ویڈیوز200سےکم ہیں مزیدتحقیقات ابھی جاری ہیں یہ معاملہ کتنے عرصے سے چل رہاتھااس کی تحقیقات ہورہی ہیں ملزم ہدایت اورچھوٹابھائی خلیل ہماری حراست میں ہے ہدایت انسانی اسمگلنگ میں بھی ملوث ہے۔
ڈی آئی جی نے بتایا کہ 2 دسمبر کو جو خواتین درخواست لےکرآئیں انہیں ٹریس کیا ایک لڑکی کی آخری لوکیشن ہمیں کابل کی ملی تھی ایف آئی اے سائبرکرائم ونگ بھی رابطےمیں ہیں تحقیقات کر رہے ہیں ویڈیوزسےمتعلق سائبرکرائم ونگ کام کررہاہے اس وقت ملزم ہدایت کیخلاف2 کیسز رجسٹرڈ ہیں۔
پولیس افسر نے کہا کہ ملزم نےکسی اورلڑکی کوبلیک میل یاہراساں کیاوہ ہمیں بتاسکتی ہے معلومات دینے والوں کانام صیغہ راز میں رکھا جائے گا ملزم کیخلاف ہمیں جتنےبھی زیادہ ثبوت ملیں گےکیس مضبوط ہوگا۔
