ممبئی: بالی ووڈ کی معروف فلم اسٹار کترینہ کیف کے بعد ایک اور اداکارہ نے نامور کاروباری شخصیت کو جیون ساتھی کے طور پر چُن لیا۔
بھارتی میڈیا رپورٹ کے مطابق اداکارہ انکیتا لوکھنڈے اور معروف تاجر وکی جین نے ازدواجی بندھن میں بندھنے کی تصدیق کردی جبکہ شادی کی ویڈیو سوشل میڈیا پر سامنے آگئی۔
انٹرنیٹ پر سامنے آنے والی ویڈیو میں دونوں کو منڈپ میں پھیرے لیتے اور مذہبی رسم ادا کرتے دیکھا جاسکتا ہے۔
اس موقع پر اداکارہ اس قدر خوش تھیں کہ انہوں نے رسم ادا ہوتے ہی خوشی میں رقص کیا اور مہمانوں کی طرف ہاتھ ہلا کر اپنی خوشی کا اظہار بھی کیا۔
شادی کے موقع پر انکیتا نے سنہرے رنگ کا عروسی لہنگا جبکہ وکی نے سفید رنگ کی شیروانی زیب تن کی ہوئی تھی۔
اطلاعات کے مطابق دونوں نے شادی میں مہمانوں کی آمد کو انتہائی مختصر اور تقریب کو پرتعیش رکھا۔
View this post on Instagram
انکیتا اور وکی جین کی دوستی گزشتہ پانچ برس سے تھی جبکہ دونوں کے حوالے سے متعدد بار افواہیں بھی زیر گردش رہیں، جس کی تصدیق یا تردید نہیں کی گئی تھی۔
