اوٹاوا : کینیڈین وزیر دفاع اور چیف آف ڈیفنس اسٹاف نے فوجیوں کو جنسی حملوں سے محفوظ رکھنے میں ناکامی کا اعتراف کرلیا۔
غیر ملکی میڈیا کے مطابق جنسی حملے و ہراسانی کے واقعات دنیا بھر میں بڑھتے ہی جارہے ہیں جس کا نشانہ عام شہری تو بن رہے ہیں، فوجی بھی جنسی حملوں سے محفوظ نہیں ہیں۔
رپورٹ میں بتایا گیا ہے کہ کینیڈین فوج میں گزشتہ چھ برس کے مختصر عرصے میں جنسی حملوں اور ہراسانی کے ایک ہزار کے قریب واقعات رپورٹ ہوئے۔
کینیڈین فوج میں 581 جنسی حملے ہوئے جب کہ 221 جنسی ہراسانی کے واقعات رپورٹ ہوئے، جس پر تبصرہ کرتے ہوئے ڈیفنس چیف جنرل وین نے کہا کہ اعتماد زندگی اور موت میں تفریق کرتا ہے اور ہم نے اعتماد ہی کھو دیا ہے۔
دوسری جانب وزیر دفاع انیتا آنند نے جنسی حملوں و ہراسانی کا نشانہ بننے والے متاثرین سے حکومت کی جانب سے معافی مانگی اور تحقیقت سویلین حکام کے حوالے کرنے کی حمایت کی۔
