لاہور : گورنر پنجاب چوہدری سرور نے امریکی ایوان نمائندگان میں اسلاموفوبیا کیخلاف بل کی منظوری کو تاریخ ساز اقدام قرار دیتے ہوئے کہا بل کی منظوری وزیراعظم کی اسلامو فوبیاکیخلاف جدوجہد کا نتیجہ ہے۔
تفصیلات کے مطابق گورنر پنجاب چوہدری سرور نے سماجی رابطے کی ویب سائٹ ٹوئٹر پر امریکی ایوان نمائندگان میں اسلاموفوبیا کیخلاف بل کی منظوری کے حوالے سے بیان میں کہا کہ بل منظور ہونا ایک تاریخ ساز اقدام ہے، اس بل کی منظوری دنیا بھر کے مسلمانوں کیلئے ایک اہم سنگِ میل ہے، بل کیلئےووٹ دینے والے اراکین کوسلام پیش کرتا ہوں۔
امریکی ایوانِ نمائندگان میں اسلاموفوبیا کیخلاف بل منظور ہونا ایک تاریخ ساز اقدام ہے.اس بل کی منظوری دنیا بھر کے مسلمانوں کیلئے ایک اہم سنگِ میل ہے. رکن کانگریس @IlhanMN کو اس تاریخی کامیابی پر خراجِ تحسین پیش کرتے ہیں.#Islamophobia pic.twitter.com/0LzAvRFEZI
— Mohammad Sarwar (@ChMSarwar) December 15, 2021
چوہدری محمد سرور کا کہنا تھا کہ بل کی منظوری وزیراعظم کی اسلامو فوبیاکیخلاف جدوجہدکانتیجہ ہے، اسلاموفوبیاکےخوفناک رجحان کیخلاف دنیاکو ملکر کام کرنا ہے۔
گورنرپنجاب نے کہا کہ اسلامو فوبیا کی خوفناک ،بھیانک شکل بھارت میں پنجےگاڑھےہوئےہے ، آرایس ایس نے20کروڑمسلمانوں کیخلاف تشدد کی لہر جاری کررکھی ہے اور ا گاؤ ماتا کے جیالےج تھوں کی صورت میں مسلمانوں کی زندگیوں سے کھیل رہےہیں۔
ان کا کہنا تھا کہ دشمن قوتیں دہشتگردی کواسلام سے جوڑتی ہیں جودرست نہیں،اسلام محبت امن اور بھائی چارے کا درس دیتا ہے۔
