لاہور : پاکستان مسلم لیگ ن کی نائب صدر مریم نواز کے بیٹے جنید صفدر کے ولیمے کی چند تصاویر سامنے آگئیں۔ سوشل میڈیا پر صارفین کی جانب سے مبارکبادوں کا سلسلہ جاری ہے۔
مسلم لیگ ن کی نائب صدر مریم نواز اور کیپٹن ریٹائرڈ محمد صفدر کے بیٹے جنید صفدر کی تصاویر فوٹو اینڈ شیئرنگ ویب انسٹا گرام پر شیئر کی گئیں۔ جس کو صارفین کی جانب سے بے حد پسند کیا جا رہا ہے۔
واضح رہے کہ جنید صفدر کے ولیمے کی تقریب دو روز قبل ہوئی تھی جس کی کچھ تصاویر سامنے آئی ہیں۔ ان تصاویر میں جنید صفدر اور ان کی اہلیہ انتہائی خوش دکھائی دے رہے ہیں۔
بہن بھائی#Junaidkishadi#wintervacations pic.twitter.com/WY2noarxjC
— Awais ahmad (@ibleedgreen8) December 17, 2021
شادی کی تقاریب کے دوران مریم نواز بھی لوگوں کا مرکز نگاہ رہیں اور ان کے خوبصورت اور قیمتی لباس پر بھی دلچسپ تبصرے کیے جارہے ہیں۔
اس تقریب میں جہاں ایک طرف دولہا اور دلہن کی پذیرائی کی جارہی ہے تو دوسری جانب مریم نواز کا انداز اور خوبصورتی بھی قابل تعریف اور قابل دید قرار دیا جارہا ہے۔
واضح رہے کہ گزشتہ شب جنید صفدر کا ولیمہ جاتی امرا میں ہوا جس میں شہباز شریف، حمزہ شہباز اور مریم اورنگزیب سمیت دیگر لیگی رہنما اور قریبی رشتے دار شریک ہوئے۔
دعوت ولیمہ میں مہمانوں کی تواضع مختلف کھانوں سے کی گئی، مہمانوں کو کھانے میں سوپ، چکن بریانی، مٹن قورمہ اور میٹھے میں گاجر کا خاص حلوہ پیش کیا گیا۔ ولیمے میں جنید اور عائشہ نے ہلکے رنگوں کے لباس کا انتخاب کیا۔
