اسلام آباد: وزیر اعظم کی معاون خصوصی ثانیہ نشتر کا کہنا ہے کہ وزیر اعظم آج پناہ گاہوں کی از سر نو تعمیر کے نئے منصوبے کا افتتاح کریں گے، نئے ماڈل کے تحت انفراسٹرکچر اور سہولتوں کا معیار مزید بہتر بنایا جائے گا۔
تفصیلات کے مطابق وزیر اعظم عمران خان کی معاون خصوصی برائے انسداد غربت ثانیہ نشتر نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ وزیر اعظم آج پناہ گاہوں کی از سر نو تعمیر کے نئے منصوبے کا افتتاح کریں گے۔
ثانیہ نشٹر کا کہنا تھا کہ وزیر اعظم کے ریاست مدینہ کے تصور کے عین مطابق پناہ گاہوں میں دیہاڑی دار افراد کو موسم کی سختیوں سے محفوظ رکھنے کے لیے مفت قیام و طعام کی سہولیات فراہم کی جاتی ہیں۔
وزیراعظم آج پناہ گاہوں کی از سر نو تعمیر کے نئے منصوبے کا افتتاح کریں گے۔ وزیراعظم کے ریاست مدینہ کے تصور کے عین مطابق پناہ گاہوں میں دیہاڑی دار افراد کو موسم کی سختیوں سے محفوظ رکھنے کیلیئے مفت قیام و طعام کی سہولیات فراہم کی جاتی ہیں اور اب ان میں مزید بہتری لائی جا رہی ہے۔ pic.twitter.com/i6uzggIsgC
— Sania Nishtar (@SaniaNishtar) December 22, 2021
انہوں نے کہا کہ ان سہولیات میں اب مزید بہتری لائی جا رہی ہے، پہلے مرحلے میں اسلام آباد میں 4 ماڈل پناہ گاہیں تعمیر ہوں گی۔
ثانیہ نشتر کا کہنا تھا کہ نئے ماڈل کے تحت انفراسٹرکچر اور سہولتوں کا معیار مزید بہتر بنایا جائے گا، پناہ گاہوں کی نئی تعمیرات میں ون ونڈو احساس مراکز بھی قائم ہوں گے۔
