لاہور: صوبہ پنجاب کے شہر گوجرانوالہ میں نوجوان کی درخت سے لٹکی لاش ملی، لاش کی شناخت نہ ہو سکی۔
تفصیلات کے مطابق گوجرانوالہ کے علاقے وزیر آباد میں نوجوان کی درخت سے لٹکی لاش ملی، پولیس کا کہنا ہے کہ لاش ایک زمیندار کے ڈیرے پر ملی۔
ابتدائی معلوماتی رپورٹ (ایف آئی آر) میں کہا گیا کہ مقتول کو قتل کرنے کے بعد لاش کو پھندا دیا گی۔ نامعلوم لاش کی شناخت نہ ہو سکی۔
پولیس نے لاش کو اسپتال منتقل کر کے تفتیش شروع کردی۔
یاد رہے کہ چند روز قبل پنجاب کے شہر فیصل آباد میں قتل کی ایک اور لرزہ خیز واردات ہوئی تھی جس میں لڑکی کو قتل کرنے کے بعد نہر میں پھینک دیا گیا تھا۔
پولیس کے مطابق لڑکی کی گمشدگی کی رپورٹ درج کروائی گئی تھی جس کے کچھ روز بعد تالاب سے لڑکی کی لاش برآمد ہوئی۔
پولیس کا کہنا ہے کہ لڑکی کو کچھ افراد نے ملازمت دلانے کے بہانے بلایا اور مبینہ زیادتی کے بعد قتل کر کے لاش تالاب میں پھینک دی۔
