روم : مسیحی برادری کے مذہبی رہنما پوپ فرانسس نے شادی شدہ جوڑوں کو اہم مشورہ دے دیا۔
غیر ملکی میڈیا کے مطابق پوپ فرانسس نے شادی شدہ جوڑوں کو ایک خط کے ذریعے نصیحت کی، جسے اتوار کے روز جاری کیا گیا۔
پوپ فرانسس نے اپنے خط میں کہا کہ کرونا وبا کے دوران گھریلو تشدد اور مسائل میں بہت زیادہ اضافہ ہوا، جس کی وجہ شادی شدہ افراد کا ایک ساتھ بہت زیادہ وقت گزارنا بھی ہے۔
انہوں نے کہا کہ جہاں شادی شدہ جوڑوں کو ایک دوسرے کے ساتھ زیادہ وقت گزارنے کے مواقع میسر آئے وہیں آپسی مسائل میں شدت آئی جس کے باعث نوبت علیحدگی تک جاپہنچی جس کا سب سے زیادہ نقصان بچوں کو ہوتا ہے۔
کیتھولک عیسائیوں کے مذہبی پیشوا کا کہنا تھا کہ جوڑوں کے دن کا اختتام امن و امان کیساتھ ہونا چاہیے۔
پوپ فرانسس نے اپنے خط میں جوڑوں کو نصیحت کی کہ خاندان کو مضبوط اور مستحکم رکھنے کے لیے شادی شدہ افراد کو تین الفاظ پلیز (گزارش) ، تھینکس (شکریہ) اور سوری (معاف کردیں) ہمیشہ یاد رکھنے چاہئیں۔
