پاکستانی ماڈل و اداکارہ ژالے سرحدی کی مزاحیہ ویڈیو سوشل میڈیا پر وائرل ہوگئی۔
اداکارہ ژالے سرحدی نے فوٹو اور ویڈیو شیئرنگ ایپ انسٹاگرام پر ویڈیو شیئر کی جس میں انہیں مزاحیہ انداز میں لپ سنکنگ کرتے دیکھا جاسکتا ہے۔
ژالے سرحدی نے ویڈیو شیئر کرتے ہوئے کیپشن میں لکھا کہ ’نفرت کرنے والے صرف یہ بات ثابت کرنے کی کوشش کرتے ہیں کہ آپ صحیح سمت میں جارہے ہیں۔
ویڈیو میں اداکارہ کو کوئی کہتا ہے کہ ’آپ کے خلاف کافی کچھ لکھا جارہا ہے۔‘ اس پر ژالے لپ سنکنگ کرتے ہوئے کہتی ہیں کہ ’میرے گاؤں میں کہاوت ہے، جب لوگ تمہارے خلاف بولنے لگیں سمجھ لو ترقی کررہے ہو۔‘
View this post on Instagram
اداکارہ نے چند گھنٹوں قبل یہ ویڈیو شیئر کی جسے ہزاروں کی تعداد میں مداحوں نے دیکھا اور اس پر اپنی رائے کا اظہار بھی کیا۔
واضح رہے کہ ژالے سرحدی اسی طرح کی مزاحیہ ویڈیو اکثر ٹک ٹاک اور انسٹاگرام پر شیئر کرتی رہتی ہیں۔
ژالے سرحدی نے گزشتہ دنوں بھی مزاحیہ ویڈیو شیئر کرتے ہوئے کیپشن لکھا تھا کہ ’نیکی کر اسٹیٹس پر ڈال۔‘
ویڈیو میں ژالے کہہ رہی ہیں کہ ’پہلے نیکی کرکے دریا میں ڈالتے تھے اب اسٹیٹس پر ڈالتے ہیں۔‘
View this post on Instagram
ژالے سرحدی نے 2008 میں اداکاری کا آغاز کیا تھا، اب تک وہ نصف درجن کے قریب فلموں اور متعدد ڈراموں میں اداکاری کر چکی ہیں۔
