پاکستان کے وکٹ کیپر بلے باز محمد رضوان کو بہترین ٹی ٹوئنٹی کرکٹر آف دی ائیرایوارڈ کے لئے آئی سی سی نے نامزد کر لیا۔
ایک سال میں 1326رنز، پانچ مین آف دی میچ، چار پلیئر آف دی سیریز ایوارڈ حاصل کرنے والے محمد رضوان آئی سی سی ٹی ٹوئنٹی پلیئر آف دی ایئر کے لیے مضبوط امیدوار ہیں۔
ان جیسا کوئی دوسرا بلے باز قریب بھی نہیں آ سکا کوئی بھارتی کھلاڑی ریس میں نہیں اس لیے امکان ہے بھارتی بھی ووٹ دیں گے۔
- Advertisement -
آئی سی سی کا ٹیسٹ کرکٹر آف دی ایئر کے لیے کھلاڑیوں کا اعلان
رواں سال محمد رضوان خوب جم کر کھیلے پاکستان کو میچز بھی جتوائے اور سب سے داد وصول کی۔ رضوان نے سال میں 1326رنز بنائے اور وہ واحد بلے باز ہیں جنہوں نے ٹی ٹوئنٹی کلینڈر ایئر میں 1 ہزار سے زائد رنز اسکور کیے۔
ٹی ٹوئنٹی کرکٹر آف دی ائیرایوارڈ پر پہلے ہی رضوان کا نام لکھا ہے بس اعلان ہونا باقی ہے۔
