کراچی: قومی کرکٹ ٹیم کے سابق کپتان وسیم اکرم نے سال نو پر ہوائی فائرنگ کرنے والے عناصر کو آڑے ہاتھوں لیا ہے۔
تفصیلات کے مطابق سماجی رابطے کی ویب سائٹ ٹوئٹر پر لیجنڈ کپتان وسیم اکرم نے سال نو پر ہوائی فائرنگ کرنے والوں کیلئے پیغام دیا کہ میں ان تمام والدین سےدرخواست کرتا ہوں کہ وہ اپنےبچوں کو سمجھائیں کہ وہ شو آف کرنا بند کریں۔
وسیم اکرم نے اپنے ویڈیو پیغام میں کہا کہ رات کےبارہ بجے ایسے فائرنگ کرتے ہیں جیسے یہ خود ریمبو ہوں، سال نو کی خوشی پٹاخوں اور پھلجڑیوں سے بھی منائی جاسکتی ہے، اگر ہم اپنے ملک کی بہتری چاہتے ہیں تو تبدیلی کیلئے ہم سب کو مل کر کام کرنےکی ضرورت ہے۔
Hope everyone had a safe New Year’s Eve last night. Please listen to my message carefully, if we want betterment for our country then we need to all work together to make a change! #StopAirFiring #GunSafety #HappyNewYear2022 @sindhpolicedmc8 pic.twitter.com/99pOHu6pOw
— Wasim Akram (@wasimakramlive) January 1, 2022
بعد ازاں اپنے ٹوئٹر پیغام میں وسیم اکرم نے لکھا کہ کراچی میں ایک بچہ اندھی گولی کا شکار ہوکر جاں بحق ہوگیا جبکہ 20 سے زائد افراد شدید زخمی ہیں، کیا ہر سال نو کے موقع پر ایسا ہوتا رہے گا، اگر ایسا ہے تو مجھے بتائیں کہ یہ مسکراتے چہرے کس لئے ہیں؟
Well the only thing that has passed here is one child in Karachi and 20 more were critically injured by stray bullets and this will keep happening. So Please tell me what the smiley faces are for?! https://t.co/dZnc31gha4
— Wasim Akram (@wasimakramlive) January 1, 2022
یاد رہے کہ رات گئے کراچی کے علاقے اجمیر نگری میں اندھی گولی لگنے کے باعث ماں باپ کا اکلوتا بیٹا جاں بحق ہوا تھا، جس کی شناخت 11 سالہ علی رضا کے نام سے ہوئی تھی۔