دہلی: بھارت میں بال کی کٹنگ کے دوران خاتون کے سر پر تھوکنا ہیئر اسٹائلسٹ کو مہنگا پڑ گیا۔
بھارتی خبررساں ادارے کی رپورٹ کے مطابق جاوید حبیب نامی بھارتی ہیئرڈریسر کے اس غلیظ فعل پر سوشل میڈیا صارفین نے انہیں نشانے پر لے لیا جس کے باعث جاوید کو معافی مانگنا پڑ گئی۔
رپورٹ میں بتایا گیا کہ سیمنار کے دوران معروف اسٹائلسٹ نے خاتون کو اسٹیج پر بلایا اور شرکا کو بال کاٹنے کے گر بتانے لگا، اس دوران جاوید حبیب نے لڑکی کے سر پر تھوک دیا۔
ہیئر ڈریسر نے خاتون سے کہا دیکھو بال گندے ہیں، کیونکہ شیمپو نہیں کیا ہوا ہے، دھیان سے سنو اگر پانی کی کمی ہو تو تھوک کا استعمال کریں، تھوک میں بڑی جان ہے۔ یہ کہہ کر جاوید حبیب نے بالوں پر تھوکا۔
انٹرنیٹ پر صارفین کی جانب سے شدید تنقید کے بعد انہوں نے باقاعدہ ویڈیو بنا کر معافی مانگی۔
بھارتی ہیئر اسٹائلسٹ کا کہنا تھا کہ منعقد ہونے والے سیمینار کے دوران اُن کے ایک عمل سے لوگوں کو ٹھیس پہنچی ہے، وہ دل سے اس عمل پر معافی مانگتے ہیں۔
This is Javed Habeeb… Spitting instead of using water… absolutely horrible 🤮🤬 pic.twitter.com/8s7xaE8qfO
— Kungfu Pande 🇮🇳2.0 (@pb3060) January 5, 2022
