لاہور: صوبہ پنجاب کے دارالحکومت لاہور میں ایک روز کے دوران کرونا وائرس کی نئی قسم اومیکرون کے 17 نئے کیسز رپورٹ کیے گئے جبکہ ساہیوال سے بھی ایک کیس سامنے آگیا۔
تفصیلات کے مطابق لاہور میں ایک ہی روز میں اومیکرون کے 17 نئے کیسز رپورٹ ہوئے، لاہور میں اومی کرون کے کیسز کی تعداد 288 تک پہنچ گئی۔
ذرائع محکمہ صحت کا کہنا ہے کہ گزشتہ 24 گھنٹے کے دوران اومیکرون کا ایک کیس ساہیوال میں بھی سامنے آگیا، پنجاب بھر میں اومیکرون کے 298 مریض رپورٹ ہوچکے ہیں۔
محکمہ صحت کے مطابق لاہور میں کرونا وائرس کے نئے ویرینٹ کو روکنا ایک چیلنج بن چکا ہے۔
علاوہ ازیں لاہور میں کرونا وائرس کے مثبت کیسز کی شرح بھی 5.8 فیصد تک پہنچ گئی ہے۔
