موسم سرما میں بال ایک طرف تو بے حد روکھے اور بے رونق ہوجاتے ہیں تو دوسری طرف جھڑنے بھی لگتے ہیں، بالوں کو گرنے سے روکنے کا طریقہ نہایت آسان ہے۔
اے آر وائی ڈیجیٹل کے مارننگ شو گڈ مارننگ پاکستان میں اداکارہ عنایہ خان نے بال گرنے کا آسان علاج بتایا۔
انہوں نے بتایا کہ پہلے ان کے بال بہت زیادہ جھڑتے تھے، پھر ان کے میک اپ آرٹسٹ نے اس کا آسان حل بتایا۔
- Advertisement -
اس کے لیے ایک، ایک چمچ بادام اور زیتون کے تیل میں وٹامن ای کے 2 کیپسول ملا لیں، اور نہانے سے 2 گھنٹے پہلے اسے بالوں کی جڑوں پر لگائیں۔
اس کے بعد نہاتے ہوئے کم کیمیکل والا یا سلفیٹ فری شیمپو استعمال کریں، 4 سے 5 دن میں واضح فرق نظر آئے گا اور بالوں کے جھڑنے میں کمی ہوگی۔
