اسلام آباد: صدر مملکت نے جسٹس عمر عطا بندیال کو چیف جسٹس پاکستان مقرر کر دیا۔
تفصیلات کے مطابق صدر مملکت عارف علوی نے عمر عطا بندیال کو بہ طور چیف جسٹس پاکستان تعینات کر دیا، ان کی تعیناتی آئین کے آرٹیکل 175 اے کے تحت کی گئی ہے۔
جسٹس عمر عطا بندیال کی تعیناتی 2 فروری 2022 سے مؤثر ہوگی، جب کہ چیف جسٹس پاکستان جسٹس گلزار احمد یکم فروری 2022 کو ریٹائر ہوں گے۔
جسٹس عمر عطا بندیال سپریم کورٹ کے سینئر ترین جج ہیں۔
