امریکی کمپنی نے جیمز بانڈ کی سائنس فکشن پستول کو حقیقت کا روپ دے دیا، صرف مالک کے ہاتھوں چلنے والی گن رواں برس فروخت کیلئے پیش کی جائے گی۔
برطانوی جاسوس جیمز بانڈ پر بنائی گئی فلم سیریز کی 2012 میں ریلیز ہونے والی فلم ‘اسکائی فال’ میں جاسوس 007 کے پاس ایک پستول تھی جسے اس طرح ڈیزائن کیا گیا تھا کہ وہ صرف جیمز بانڈ ہی چلاسکتے تھے۔
یہ گن مالک کے فنگرپرنٹ ریڈ کرکے ہی ان لاک ہوتی تھی، اب ایسی 9 ایم ایم اسمارٹ گن امریکی کمپنی نے متعارف کرائی ہے جو مالک کے انگلیوں کے نشانات پر ہی کام کرسکے گی۔
رپورٹ کے مطابق کمپنی نے اس گن میں فنگرپرنٹ ریڈر اور ایک نیئر فیلڈ کمیونیکشن (این ایف سی) چپ کو نصب کیا ہے جس کو ایک فون ایپ سے ایکٹیو کیا جاسکتا ہے جبکہ ایک پن پیڈ بھی ہے۔
فنگرپرنٹ ریڈر سے گن کو مائیکرو سیکنڈز میں ان لاک کیا جاسکتا ہے مگر گیلے ہاتھوں یا چوٹ وغیرہ پر یہ طریقہ کام نہیں کرے گا جس کے بیک اپ کے لیے پن پیڈ کو دیا گیا ہے۔
این ایف سی سگنل بھی اضافی بیک اپ ہے مگر اس کا طریقہ کار ابھی بتایا نہیں گیا۔
غیر ملکی میڈیا کے مطابق اس اسمارٹ گن کی ممکنہ قیمت ڈیڑھ لاکھ روپے زائد (895 ڈالر) ہوگی۔
لوڈ اسٹار ورکس نامی کمپنی نے اسے تیار کیا ہے اور اس کے شریک بنای گیراتھ گلاسر کے مطابق انہیں اس گن کا خیال جیمز بونڈ فلم دیکھ کر نہیں آیا بلکہ بچوں کے ہاتھوں غلطی سے والدین کی گن چلنے کے واقعات کو پڑھ کر آٰیا۔
اس گن کی تیاری کے بعد مذکورہ گن کو صرف مالک ہی چلاسکے گا، جس کے بعد بچوں کے ہاتھوں غلطی سے گن چلنے اور خودکشی کے واقعات میں نمایاں کمی واقع ہوگی جب کہ جرائم پیشہ افراد بھی اس کا استعمال نہیں کرسکیں گے۔