میران شاہ میں دہشتگردوں کی موجودگی کی اطلاع پر سیکیورٹی فورسز نے آپریشن کیا، ایک دہشتگرد مارا گیا جب کہ 2 کو گرفتار کرلیا
آئی ایس پی آر کے مطابق سیکیورٹی فورسز نے میران شاہ میں دہشتگردوں کی موجودگی کی اطلاع پر کارروائی کی جس میں ایک دہشتگرد ہلاک ہوا جب کہ 2دہشتگردوں کو گرفتار کیا گیا۔
آئی ایس پی آر نے بتایا کہ دہشتگردوں سے اسلحہ اور گولہ بارود برآمد کیا گیا ہے جب کہ مزید دہشتگردوں کی تلاش کے لیے ایریا کلیئرنس آپریشن جاری ہے۔
آئی ایس پی آر کے مطابق ہلاک دہشتگرد کی شناخت زاہد عرف کوچی کے نام سے ہوئی ہے جو کہ کالعدم ٹی ٹی پی کا آئی ای ڈی بنانے کا ماہر تھا، تینوں دہشتگرد مقامی نہیں ہیں۔
آئی ایس پی آر کے مطابق تینوں دہشتگردوں کو ایک گھرمیں پنا ہ دی گئی تھی۔
