سڈنی: ایشیز سیریز کے آخری ٹیسٹ میں انگلش فاسٹ بولر اسٹیورٹ براڈ غصے میں آگئے۔
تفصیلات کے مطابق انگلش فاسٹ بولر اسٹیورٹ براڈ کیمرے پر ہی غصہ ہوگئے جس کی ویڈیو سوشل میڈیا پر وائرل ہوگئی۔
بگی کیم کی وجہ سے براڈ کا دھیان بھٹکا تو رک کر چیختے ہوئے بولے روبوٹ چلانا بند کرو۔ اسٹیورٹ براڈ کی آواز اسٹمپ مائیک میں ریکارڈ اور ویڈیو سوشل میڈیا پر وائرل ہوگئی۔
Not a fan of the @FoxCricket rover, then? 🤖#Ashes pic.twitter.com/1ctxyHdVC7
— cricket.com.au (@cricketcomau) January 15, 2022
آخری ٹیسٹ کے تیسرے روز براڈ مچل اسٹارک کو بولنگ کررہے تھے براڈ مایوسی میں ’روبوٹ حرکت دینا بند کرو‘ کا نعرہ لگانے سے پہلے بولنگ کریز سے کچھ ہی فاصلے پر رک گئے۔
یہ فوری طور پر واضح نہیں ہوسکا کہ اس کا کیا مطلب ہے لیکن کرکٹ آسٹریلیا کی جانب سے ایک ٹویٹ میں واضح کیا گیا کہ یہ فاکس کرکٹ کا روور تھا جس نے براڈ کو ناراض کیا تھا۔
کرکٹ آسٹریلیا کا بتانا ہے کہ بولنگ کرواتے وقت روبوٹ کیمرا نے بظاہر براڈ کا دھیان بٹا دیا تھا۔
