جمیکا: آئی سی سی انڈر 19 ورلڈ کپ میں پاکستان نے فاتحانہ آغاز کیا اور زمبابوے کو شکست دے دی ہے۔
تفصیلات کے مطابق ایونٹ کے پہلے میچ میں پاکستان نے پہلے بیٹنگ کرتے ہوئے مقررہ اوورز میں نو وکٹ پر 315 رنز بنائے، حسیب اللہ خان نے ایک سو پینتیس رنز کی شاندار اننگز کھیلی، عرفان خان 75 رنز بناکر دوسرے نمایاں بیٹسمین رہے۔
تین سو سولہ رنز کے ہدف کے تعاقب میں زمبابوے کی پوری ٹیم 200 بناکر آؤٹ ہوگئی۔
پاکستان کے اویس علی زمبابوے بولرز کے لئے ڈراؤنا خواب ثابت ہوئے، انہوں نے 56 رنز کے عوض چھ کھلاڑیوں کو آؤٹ کیا۔
https://twitter.com/TheRealPCB/status/1483284014031114246?s=20
دوسرے میچ میں سری لنکا نے آسٹریلیا کو چار وکٹ سےہرادیا، سری لنکا نے ایک سو چھہتر رنز کا ہدف سینتیس اوورز میں حاصل کرلیا۔
ایک اور میچ میں ویسٹ انڈیز نے اسکاٹ لینڈ کو سات وکٹ سے ہرایا، اسکاٹ لینڈ کی ٹیم پہلے کھیلتے ہوئے پچانوے رنز پر آؤٹ ہوگئی تھی، ویسٹ انڈیز نے مطلوبہ ہدف باآسانی بیسویں اوور میں تین وکٹ پر حاصل کرلیا۔
