کراچی: پی ایس ایل سیزن سیون شروع ہونے سے پہلے ہی کوئٹہ گلیڈی ایٹرز کو بڑا دھچکا لگ گیا۔
اے آر وائی نیوز کے مطابق پی ایس ایل کی سابق چیمپئن کوئٹہ گلیڈی ایٹرز کے تین غیرملکی کورونا وائرس کا شکار ہوگئے جس کے بعد ان کی پی ایس ایل میں شرکت کے امکانات کم ہوگئے۔
آسٹریلیا کے جیمز فالکنر، ویسٹ انڈیز کے شیمرون ہیٹ مائر اور لیوک ووڈ کا کورونا ٹیسٹ مثبت آیا ہے۔
⚡️ ⚡️ #HBLPSL7 #GladiatorsForever #PurpleForce pic.twitter.com/0gBKtlUnm2
— Quetta Gladiators (@TeamQuetta) December 12, 2021
ذرائع کا بتانا ہے کہ تینوں کھلاڑی کوئٹہ گلیڈی ایٹرز کے لیے پہلے میچ میں دستیاب نہیں ہوسکیں گے، واضح رہے کہ کوئٹہ کا پہلا میچ 28 جنوری کو پشاور زلمی سے ہوگا۔
واضح رہے کہ پی ایس ایل سیزن سیون کا آغاز 27 جنوری سے ہوگا ایونٹ کے پہلے مرحلے کے میچز کراچی جبکہ دوسرے مرحلے کے میچز اور فائنل 27 فروری کو لاہور میں کھیلا جائے گا۔