کانگریس نے کسانوں کی بدحالی، بے روزگاری، معاشی تنگی، مہنگائی اور داخلی سیکورٹی کے مسائل پر بیک وقت کئی ریاستوں میں کتابچہ جاری کرکے مودی سرکار کو نااہل قرار دےدیا۔
غیرملکی میڈیا کے مطابق کانگریس کی جانب سے مودی سرکار کی کارکردگی پر کتابچہ جاری کیا گیا ہے جس میں مودی سرکاری ناقص پالیسیوں کی بدولت مہنگائی، کسانوں کی بد حالی، معاشی تنگی اور داخلی سیکیورٹی پر تنقید کا نشانہ بنایا گیا ہے۔
کانگریس حکام کی جانب سے بیک وقت انتخابی ریاستوں اتر پردیش، پنجاب اور اتراکھنڈ کے الگ الگ شہروں میں ’آمدنی نہ ہوئی دوگنی، درد سو گنا‘ عنوان سے کتابچہ جاری کیا گیا ہے۔
कांग्रेस नेता श्री @SachinPilot जी ने वाराणसी में किसानों की समस्याओं पर आधारित 'आमदनी न हुई दोगुनी, दर्द सौ गुना' शीर्षक से कांग्रेस की पुस्तिका जारी की और किसानों पर भाजपाई अत्याचार के बारे में मीडियो को संबोधित किया। pic.twitter.com/XywuGQLj0f
— UP Congress (@INCUttarPradesh) January 19, 2022
کانگریس لیڈر یشپال آریہ نے کہا کہ گزشتہ 5 سالوں میں کسان کی آمدنی دوگنی تو ہوئی نہیں، جب کہ درد 100 گنا بڑھ گیا ہے۔
ان کا کہنا تھا کہ عوام میں مہنگائی اور بے روزگاری کو لے کر بہت غصہ ہے اور آئندہ اسمبلی انتخابات میں عوام اس حکومت کو سبق ضرور سکھائے گی۔
