پاکستان کے معروف اداکار نعمان اعجاز کی کچھ پرانی تصاویر سوشل میڈیا پر وائرل ہوگئیں ان کے مداح بھی ان کی یادوں میں شریک رہے۔
نعمان اعجاز کی اہلیہ رابعہ نعمان نے شادی کی سالگرہ کے موقع پر فوٹو اینڈ ویڈیو شئیرنگ ایپ انسٹاگرام پر کچھ تصاویر پوسٹ کی ہیں جسے مداحوں کی جانب سے بہت پسند کیا جارہا ہے۔
ان تصاویر میں نعمان اعجاز اور رابعہ نعمان کی شادی کی خوبصورت تصاویر سمیت شادی کے بعد کی جانے والی سیر و تفریح کی تصاویر بھی شامل ہیں۔
تصاویر کے کیپشن میں رابعہ نعمان نے لکھا کہ نعمان اعجاز سے شادی کا فیصلہ زندگی کا بہترین فیصلہ تھا۔ یادیں زندگی کا وہ خاص لمحہ ہیں جو ہماری کہانی بتاتی ہیں۔
یاد رہے کہ نعمان اعجاز کے بڑے بیٹے زاویار نے بھی شوبز انڈسٹری میں اپنا پہلا قدم رکھ لیا ہے جس میں وہ ایک نئے ڈرامے میں اپنے والد نعمان اعجاز، مشہور گلوکار عاطف اسلم اور ہانیہ عامر کے ساتھ اپنی اداکاری کے جوہر دکھا رہے ہیں۔
