دبئی: قومی کرکٹ ٹیم کے کپتان بابراعظم کو آئی سی سی نے ایک اور بڑے اعزاز سے نوازدیا ہے۔
تفصیلات کے مطابق آئی سی سی نے کرکٹ ٹیم آف دی ایئر کا اعلان کردیا ہے، مینز ون ڈے ٹیم آف دی ایئر کی کپتانی کا قرعہ بابر اعظم کے نام نکلا ہے، سال کی بہترین ٹیم میں بنگلہ دیش کے تین، آئرلینڈ، سری لنکا، اور جنوبی افریقا کے دو دو کھلاڑی شامل ہیں۔
آئی سی سی کی گیارہ رکنی ٹیم میں بابر اعظم کے علاوہ فخر زمان بھی شامل ہیں جنہوں نے پچھلے سال دو سنچریاں بنائی تھیں، دیگر کھلاڑیوں میں پال اسٹرلنگ، ینامن میلان، راسیون ڈر ڈاوسن ، شکیب الحسن ، مشفیق الرحیم، وانندو ہسارنگا ، مستفیض الرحمٰن، سیمی سنگھ اور دشمنتھا چمیرا شامل ہیں۔
ٹی ٹوئنٹی کی بہترین ٹیم کی طرح ون ڈے ٹیم میں بھی کوئی بھارتی کھلاڑی شامل نہیں ہے۔
Power-hitters, terrific all-rounders, fiery pacers 🔥
The 2021 ICC Men's ODI Team of the Year has all the bases covered 🤩 pic.twitter.com/R2SCJl04kQ
— ICC (@ICC) January 20, 2022
گذشتہ روز انٹرنیشنل کرکٹ کونسل (آئی سی سی) نے سال کے ٹی ٹوئنٹی ٹیم کا اعلان کیا تھا، جہاں کپتانی کا قرعہ بابر اعظم کے نام نکلا تھا، محمد رضوان ٹیم کے وکٹ کیپر ہوں گے، فاسٹ بولر شاہین شاہ آفریدی بھی ٹیم کا حصہ بنائے گئے ہیں۔
بھارت کا کوئی بھی کھلاڑی ٹیم آف دی ایئر میں شامل نہیں کیا گیا۔
