بالی ووڈ کے آنجہانی اداکار عرفان خان کی اہلیہ نے انہیں اپنی سالگرہ بھولنے پر معاف کردیا، اپنی سالگرہ پر انہوں نے سوشل میڈیا پر جذباتی نوٹ شیئر کیا۔
سماجی رابطے کی ویب سائٹ انسٹاگرام پر عرفان خان کی اہلیہ سوتاپا نے اپنی سالگرہ کی کچھ تصاویر شیئر کیں۔
ساتھ ہی انہوں نے عرفان خان کو یاد کرتے ہوئے لکھا کہ ایک دوسرے کے ساتھ گزاری گئی 32 میں سے 28 سالگراہیں یاد نہ رکھنے کی وجہ سے، جاؤ عرفان میں نے تمہیں معاف کیا۔
View this post on Instagram
سوتاپا سکدر نے لکھا کہ سالگرہ سے ایک رات قبل میں ایک منٹ کے لیے بھی اپنی پلکیں نہیں جھپکا سکی، میں چہل قدمی کرتے ہوئے آپ کی باتیں سوچتی رہی جو آپ میری سالگرہ فراموش کرنے کے جواز پیش کیا کرتے تھے۔
انہوں نے لکھا کہ اپنی سالگرہ نہ منانے اور بھولنے کے بعد، مجھے خوشی سے آپ کی وجوہات کو قبول کرنا یاد ہے۔
سوتاپا نے کہا کہ حیرت کی بات یہ ہے کہ دونوں بیٹوں بابل اور ایان میری سالگرہ نہیں بھولے، کیا آپ نے جاگ کر انہیں یاد دلایا، جیسے آپ یہاں ہمیشہ بھول جاتے تھے۔ آج ہم نے آپ کو بہت یاد کیا۔
یاد رہے کہ بالی ووڈ اداکار عرفان خان 29 اپریل 2020 میں کولون (بڑی آنت) کے انفیکشن کے باعث ممبئی کے اسپتال میں انتقال کر گئے تھے۔
