پاکستانی ڈرامہ انڈسٹری کی معروف اداکارہ زرنش خان نے شادی سے متعلق اپنی رائے کا اظہار کردیا۔
ڈرامہ انڈسٹری کی معروف اداکارہ زرنش خان نے حالیہ بیان میں کہا کہ میری شادی 17 سال کی عمر میں ہوئی تھی اور میں چاہتی ہوں کہ والدین اپنے بچوں کی شادیاں کرنے میں تاخیر نہ کریں۔
زرنش خان نے کہا کہ چھوٹی عمر میں شادی کرنے سے نئے رشتوں کو سمجھنے اور قبول کرنے میں بہت آسانی ہوجاتی ہے۔
واضح رہے کہ زرنش خان کی شادی 17 برس کی عمر میں ہوئی تھی اور وہ پاکستان سے دبئی منتقل ہوگئی تھیں۔
اداکارہ نے شوہر کی حوصلہ افزائی سے شوبز کی دنیا میں قدم رکھا اور متعدد ڈراموں میں اداکاری کے جوہر دکھا چکی ہیں۔
زرنش خان فوٹو اور ویڈیو شیئرنگ ایپ انسٹاگرام پر کافی متحرک رہتی ہیں اور اکثر اپنی تصاویر اور ویڈیوز شیئر کرتی رہتی ہیں جسے ان کے مداحوں کی جانب سے بھی پسند کیا جاتا ہے۔
اداکارہ نے گزشتہ دنوں دوست کی مہندی میں رقص کرنے کی ویڈیو شیئر کی تھی۔
زرنش خان نے دوست کی شادی کی تقریب میں سبز رنگ کا لباس زیب تن کیا تھا، ویڈیو میں ان کے ہمراہ دیگر لوگ بھی رقص کررہے ہیں۔
اداکارہ نے ویڈیو شیئر کرتے ہوئے کیپشن میں لکھا تھا کہ ’مہندی کا جنون۔‘
