اشتہار

پارٹی گیٹ اسکینڈل: برطانوی وزیراعظم کے لئے 48 گھنٹے خطرناک قرار

اشتہار

حیرت انگیز

لندن: کیا برطانوی وزیراعظم کے لئے ” پارٹی گیٹ اسکینڈل” ان کی حکومت کے خاتمہ کا سبب بننے جارہا ہے؟ ،مبصرین نے آئندہ 48 گھنٹے اہم قرار دے دئیے ہیں۔

غیر ملکی میڈیا رپورٹ کے مطابق برطانوی وزیرِاعظم کی سیاست کا اہم ترین دن ہے، کرونا وبا کے دوران ٹین ڈاؤننگ اسٹریٹ میں پارٹی سجانے پر تحقیقاتی رپورٹ آج جاری ہونے کا امکان ہے۔

بورس جانسن برطانوی تاریخ کے پہلے وزیراعظم ہوں گے جن سے تحقیقات کیلیے پولیس انٹرویو کرے گی،اگر برطانوی وزیر اعظم قصور وار پائے گئے تو ان کی وزارتِ عظمی جا سکتی ہے جبکہ پارٹی گیٹ اسکینڈل میں پولیس بھی معاملے کی الگ تحقیقیات کر رہی ہے۔

- Advertisement -

ادھر برطانیہ کے وزیراعظم بورس جانسن ’’پارٹی گیٹ‘‘ اسکینڈل سے عہدہ برا ہونے کی کوششوں میں ہیں جس کے لئے انہوں نے پالیسی تبدیلیوں کا فیصلہ کیا ہے، ان تبدیلیوں میں متنازع کووڈ پاسپورٹ اور بی بی سی لائسنس فیس کا خاتمہ شامل ہیں۔

یہ بھی پڑھیں: کرونا وبا کے دوران پارٹی منعقد کرنے پر بچی کی بورس جانسن پر تنقید

برطانوی وزیراعظم پر الزام ہے کہ انہوں نے کرونا پابندیوں کے باوجود جون دوہزار بیس میں سرکاری رہائش گاہ میں 30 مہمانوں کے ساتھ اپنی سالگرہ منائی، یہی نہیں بلکہ مئی دوہزار بیس میں ٹین ڈاؤننگ اسٹریٹ کے لائن میں ایک پارٹی کا انعقاد کیا جس میں سو افراد شریک ہوئے تھے، یہ وہ وقت تھا جب برطانیہ میں عالمی وبا اپنے عروج پر تھی۔

یاد رہے کہ لاک ڈاؤن کے دوران ٹین ڈاؤننگ اسٹریٹ میں غیر رسمی تقریبات کے انعقاد کے انکشاف کے بعد حکومتی جماعت کے اکثر اراکین نے وزیراعظم سے مستعفی ہونے کا مطالبہ کررکھا ہے ان تقریبات میں سے ایک میں بورس جانسن بھی شریک تھے تاہم انہوں نے قانون توڑنے کے الزام کی تردید کی ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں