کراچی: پی ایس ایل سیزن 7 سے قبل اسٹار آل راؤنڈر کو پریشانیوں نے گھیرے میں لے لیا ہے، جس کے باعث ان کی شرکت مشکوک ہوگئی ہے۔
ذرائع کے مطابق پی ایس ایل سیزن سیون میں کوئٹہ گلیڈی ایٹرز کی نمائندگی کرنے والے شاہد آفریدی کمر کی انجری میں مبتلا ہوگئے، انجری کے باعث شاہد آفریدی نے پریکٹس سیشن میں بھی حصہ نہیں لیا تھا، انجری کی نوعیت سے متعلق اسٹار آل راؤنڈر کے ڈاکٹرز سے مشورے جاری ہیں۔
دوسری جانب شاہد آفریدی کی اہلیہ کی بہن (سالی ) کا انتقال ہوگیا ہے، پے در پے مسائل کے باعث شاہد آفریدی نے بائیو سیکیورببل سے نکل کر گھر منتقل ہونےپر غور شروع کردیا ہے۔
واضح رہے کہ پی ایس ایل کا میلہ کل کراچی اسٹیڈیم میں سجنے جارہا ہے، جہاں کراچی کنگز اور ملتان سلطانز مدمقابل ہونگی جبکہ کراچی کنگز اور کوئٹہ گلیڈی ایٹرز کا مقابلہ ہفتے کو شیڈول ہے۔
یاد رہے کہ شاہد آفریدی نے اعلان کیا تھا کہ وہ اگلے پی ایس ایل میں کوئٹہ گلیڈی ایٹرز کی نمائندگی کریں گے اور یہ ان کے کیریئر کا آخری ٹورنامنٹ ہوگا۔
پاکستان کرکٹ بورڈ نے کہا ہے کہ اگلے سال پی ایس ایل کے ساتویں ایڈیشن میں شاہد آفریدی کوئٹہ گلیڈی ایٹرز کی نمائندگی کریں گے اور یہ ان کے کیریئر کا آخری ٹورنامنٹ ہوگا۔
شاہد آفریدی نے گزشتہ سیزن ملتان سلطانز کی نمائندگی کی تھی۔
