بھارت کے یوم جمہوریہ پر دفتر خارجہ پاکستان سے جاری بیان میں مقبوضہ کشمیر میں بھارتی افواج کے مظالم کی شدید مذمت کی گئی ہے۔
اے آر وائی نیوز کے مطابق بھارتی یوم جمہوریہ پر دفتر خارجہ سے جاری بیان میں کہا گیا ہے کہ پاکستان حق خودارادیت کے لیے کوشاں مقبوضہ کشمیر کےعوام سےاظہار یکجہتی کرتا ہے۔
ترجمان دفتر خارجہ کے مطابق مقبوضہ وادی میں بھارتی افواج کےمظالم قابل مذمت ہیں، بھارت کشمیریوں پر دباؤ ڈال کرسب ٹھیک ہے کا جھوٹا راگ الاپ رہاہے۔
پاکستان اقوام متحدہ سمیت عالمی اداروں کو مقبوضہ کشمیر میں بھارت کے انسانیت سوزمظالم کےثبوت پیش کرچکا ہے، عالمی برادری کو چاہیے کہ کشمیریوں کےحق خودارادیت کے لیے کردار ادا کرے۔
واضح رہے کہ بدھ کو بھارتی یوم جمہوریہ کے موقع پر دنیا بھر میں مقیم کشمیری بھارتی یوم سیاہ منا رہے ہیں۔
