اسلام آباد: ایک دستاویز میں انکشاف کیا گیا ہے کہ نیب 23 سال میں سیاست دانوں سے صرف 47 کروڑ وصول کر سکا ہے۔
تفصیلات کے مطابق گزشتہ تئیس برسوں میں قومی احتساب بیورو کی جانب سے سیاست دانوں سے محض سینتالیس کروڑ روپے ہی وصول کیے جا سکے ہیں۔
اس سلسلے میں سامنے آنے والی ایک دستاویز میں کہا گیا ہے کہ قومی خزانے میں صرف 17 ملین جمع ہوئے، یہ انکشاف بھی ہوا کہ وصولیوں کی نسبت اخراجات پر زیادہ رقم خرچ کی گئی ہے۔
نیب کی جانب سے اب تک 821 ارب روپے کی ریکوری
قومی احتساب بیورو (نیب) کی جانب سے بدھ کو پبلک اکاؤنٹس کمیٹی (پی اے سی) کو ایک رپورٹ جمع کرائی گئی، رضاکارانہ واپسی اور پلی بارگین کے ذریعے کی گئی ریکوریوں سے متعلق نیب کے اعداد و شمار سے پتا چلتا ہے کہ سیاست دانوں سے کی گئی ریکوری بیوروکریٹس، تاجروں اور دیگر میں سب سے کم ہے۔
اعداد و شمار میں بتایا گیا ہے کہ برآمد کی گئی رقم مجموعی طور پر 54.63 ارب روپے تھی، جس میں سے صرف 47 کروڑ روپے سیاست دانوں کے تھے، بیورو نے بیوروکریٹس سے 8.17 ارب روپے، تاجروں سے 24.31 ارب روپے اور دیگر سے 21.68 ارب روپے وصول کیے۔
