جانوروں کو مشکل میں دیکھ کر انہیں بچانے کی ویڈیو اکثر سوشل میڈیا پر وائرل ہوتی رہتی ہیں جسے صارفین کی جانب سے بھی خوب سراہا جاتا ہے۔
بھارتی ریاست تلنگانہ میں پولیس کے ساتھ ایک ہوم گارڈ نے سیلابی ندی کے کنارے جھاڑیوں میں پھنسے ایک کتے کو بچالیا جس کی ویڈیو سوشل میڈیا پر وائرل ہوگئی۔
مذکورہ ویڈیو کو بھارتی آئی پی ایس افسر نے شیئر کرتے ہوئے بتایا کہ یہ واقعہ ناگر کرنول ضلع میں پیش آیا۔
انہوں نے بتایا کہ کتے کو جھاڑیوں میں پھنسا دیکھ کر ایک ہوم گارڈ مجیب الرحمان نے فوری طور پر کرین کو بلایا اور اپنی جان کی پرواہ کیے بغیر کتے کو بچانے کے لیے لہروں میں اتر گیا۔
तेज़ लहरों के बीच फंसे कुत्ते को देखकर @TelanganaCOPs के होम गार्ड मुजीब ने तुरंत JCB बुलाई और खुद उसे बचाने के लिए लहरों में उतर गए. उनके जज्बे को दिल से सलाम.
मानवता की सेवा के लिए #Khaakhi कोई भी जोखिम उठाने से पीछे नहीं हटती. pic.twitter.com/sJlBoOwvov— Dipanshu Kabra (@ipskabra) January 25, 2022
ویڈیو میں دیکھا جاسکتا ہے کہ تلنگانہ پولیس کے ساتھ ایک ہوم گارڈ سیلابی ندی کے کنارے جھاڑیوں میں پھنسے کتے کو بچا رہا ہے۔
گارڈ نے ایک ہاتھ سے کرین کو پکڑ رکھا ہے اور دوسرے ہاتھ سے جھاڑیوں میں پھنسے کتے کو بچانے کی کوشش کررہا ہے بعدازاں کتے کو بچانے کے بعد گاؤں میں چھوڑ دیا گیا۔
ویڈیو سوشل میڈیا پر تیزی سے وائرل ہورہی ہے، صارفین نے جانور کو بچانے کے لیے اپنی جان خطرے میں ڈالنے والے گارڈ کی تعریف کی اور اس کے اقدام کو سراہا۔