تازہ ترین

چینی باشندوں کی سیکیورٹی کیلیے آزاد کشمیر میں ایف سی تعینات کرنے کا فیصلہ

آزاد کشمیر میں امن وامان کی صورتحال برقرار رکھنے...

ملک سے کرپشن کا خاتمہ، شاہ خرچیوں میں کمی کریں گے، وزیراعظم

وزیراعظم شہباز شریف نے کہا ہے کہ کھربوں روپے...

امریکا نے دہشتگردی سے نمٹنے کیلیے پاکستانی اقدامات کی حمایت کر دی

امریکا نے دہشتگردی سے نمٹنے کے لیے پاکستان کے...

آج پاکستان سمیت دنیا بھر میں عالمی یوم مزدور منایا جا رہا ہے

آج پاکستان سمیت دنیا بھر میں عالمی یوم مزدور...

پیٹرولیم مصنوعات کی قیمتوں میں کمی کا اعلان

وزیراعظم شہبازشریف نے پیٹرولیم مصنوعات کی قیمتوں میں کمی...

شاہد خاقان عباسی نے نواز شریف کی واپسی کے لیے تاریخ دے دی

اسلام آباد : سابق وزیر اعظم و مسلم لیگ (ن) کے سینئر رہنما شاہد خاقان عباسی کا کہنا ہے کہ نواز شریف اس سال یا اگلے سال تک آجائیں گے۔

تفصیلات کے مطابق سابق وزیر اعظم و مسلم لیگ (ن) کے سینئر نائب صدر شاہد خاقان عباسی نے میڈیا سے گفتگو کرتے ہوئے کہا خود دوسروں کا احتساب کر رہے ہیں ، عمران خان بتائیں انہوں نے کرپشن پرنیب اور ایف آئی اے کو کتنے خط لکھے۔

مہنگائی کے حوالے سے شاہد خاقان عباسی کا کہنا تھا کہ حکومت کی نا اہلی کےباعث مہنگائی عروج پر ہے ، بجلی کی قیمتوں میں اضافہ ہو رہا ہے ، عوام کی جیبوں پر ڈاکہ مارا جا رہا ہے۔

ن لیگی رہنما نے کہا کہ کرپشن کی فہرست میں ملک 124 سے 140 نمبر پر آگیا ، حکومت آئی توکرپشن میں 117 نمبر تھااب ملک140 نمبر پر پہنچ گیا ، دیکھ سکتے ہیں احتساب کاعمل کیا ہے چور خود احتساب کر رہے ہیں۔

حکومت پر تنقید کرتے ہوئے ان کا کہنا تھا کہ ساڑھے 3 سال حکومت کر لی ہے کوئی تو ریکارڈ لے کرآئیں، عدالتوں کا جو ریکارڈ آیا ہے وہ بتا نہیں سکتے، اسی ماہ تقریباً 4 روپے کے قریب بجلی بڑھ رہی ہے، عوام کی جیب سے30 ارب نکلے گا، 30ارب حکمرانوں کی جیب میں جائےگا یا کرپشن کی نذرہو گا۔

شاہد خاقان عباسی نے مزید کہا کہ لانگ مارچ عوام سے یکجہتی کیلئے ہوتا ہے، چار چار دفعہ نکالے جانے والےوزیر کرسیوں سے چمٹے ہیں۔

نواز شریف کی واپسی سے متعلق مسلم لیگ ن کے رہنما کا کہنا تھا کہ نواز شریف صاحب آئیں گے اپنا علاج کراکے ڈاکٹرز کی مشاورت سے آئیں گے، نواز شریف اس سال یا اگلے سال تک آجائیں گے۔

Comments

- Advertisement -