معروف پاکستانی اداکارہ زرنش خان نے جلدی شادی کرنے سے متعلق اپنے بیان پر وضاحت دے دی۔
پاکستانی ڈرامہ انڈسٹری کی اداکارہ زرنش خان نے فوٹو اور ویڈیو شیئرنگ ایپ انسٹاگرام پر ویڈیو پیغام میں کہا کہ ہر ایک کے خیالات مختلف ہوتے ہیں اور شادی کا فیصلہ سب کا ذاتی ہوتا ہے تو جسے صحیح لگے وہ تب شادی کرلے۔
زرنش خان نے کہا کہ حال ہی میں کہا تھا کہ اس بات پر یقین رکھتی ہوں کہ شادی جلدی کرنا زیادہ اچھا رہتا ہے کیونکہ اس وقت آپ کے لیے نئی زندگی میں ڈھلنا آسان ہوجاتا ہے۔
اداکارہ نے ویڈیو پیغام میں کہا کہ اس بیان کے بعد سب میرے پیچھے پڑ گئے تو اس بات کی وضاحت کردوں کہ یہ کبھی نہیں کہا کہ جلدی شادی کرنا خواتین کے لیے اچھا ہے بلکہ یہ خیال مجموعی طور پر ہے کہ جلدی شادی کرنے کے بعد زندگی میں آپ کے لیے کافی آسان ہوجاتی ہے جو کہ حقیقت ہے۔
View this post on Instagram
زرنش نے کہا کہ جب آپ ایک مخصوص عمر کے حصے تک پہنچ جاتے ہیں تو پھر آپ اپنے آپ کو بدلنا نہیں چاہتے جبکہ شادی جو ہے وہ مردوں اور عورتوں دونوں کے لیے ایک سمجھوتا ہوتا ہے تو اس کے لیے صبر اور تحمل چاہیے ہوتا ہے اور وہ عمر بڑھنے کے ساتھ کام ہوجاتا ہے۔
اداکارہ کا کہنا ہے کہ یہی وجہ ہے کہ اُنہیں لگتا ہے کہ اگر شادی جلدی ہوجائے تو اس میں کوئی برائی نہیں ہے۔
