ایم کیو ایم کا اعلیٰ سطحی وفد آج صدر مملکت سے اہم ملاقات کرے گا جس میں سندھ کی سیاسی صورتحال، بلدیاتی امور پر تبادلہ خیال کیا جائے گا۔
ذرائع کے مطابق ایم کیو ایم کا وفد آج ایوان صدر میں صدر مملکت ڈاکٹر عارف علوی سے اہم ملاقات کرے گا۔
ذرائع کا کہنا ہے کہ وفد سندھ کی سیاسی صورتحال، بلدیاتی امور کے ساتھ سپریم کورٹ کے فیصلے پر عملدرآمد کے حوالے سے اپنی گزارشات صدر کے سامنے رکھے گا۔
ملاقات میں باہمی دلچسپی کے امور سمیت دیگر اہم موضوعات پر بھی گفتگو ہوگی۔
ذرائع کے مطابق وفد کی قیادت ڈپٹی کنوینر عامر خان کرینگے جب کہ وفد میں سابق میئر کراچی وسیم اختر اور صادق افتخار بھی شامل ہوں گے۔
مزید پڑھیں:سندھ میں بلدیاتی اختیارات کیس : سپریم کورٹ نے ایم کیو ایم کی درخواست پر فیصلہ سنادیا
واضح رہے کہ سپریم کورٹ نے سندھ میں بلدیاتی اختیارات کیس میں ایم کیو ایم کی درخواست پر چند روز قبل فیصلہ سنایا ہے۔
سپریم کورٹ نے فیصلے میں بلدیاتی اداروں کی تحلیل سے متعلق سندھ لوکل گورنمنٹ ایکٹ کی شق چوہتر اور پچھتر کالعدم قرار دی ہے۔
