نئی دہلی : ریاست مہاراشٹرا کے سابق وزیراعلیٰ کی اہلیہ نے دعویٰ کیا ہے کہ ممبئی میں تین فیصد طلاق کے واقعات ٹریفک جام کی وجہ سے ہوتے ہیں۔
غیر ملکی میڈیا کے مطابق بھارتی ریاست مہاراشٹرا کے سابق وزیراعلیٰ اور بھارتیہ جنتا پارٹی کے رہنما بیوندرا فیڈناویس کی اہلیہ امروتا فیڈناویس کو اپنے انوکھے دعوے کی وجہ سے شدید ہزیمت کا سامنا کرنا پڑرہا ہے۔
خاتون نے دعویٰ کیا ہے کہ ممبئی میں تین فیصد طلاقیں صرف ٹریفک جام کی وجہ سے ہوتی ہیں۔
#WATCH: BJP leader Devendra Fadnavis' wife Amruta Fadnavis says, "I'm saying this as common citizen. Once I go out I see several issues incl potholes,traffic. Due to traffic,people are unable to give time to their families & 3% divorces in Mumbai are happening due to it." (04.02) pic.twitter.com/p5Nne5gaV5
— ANI (@ANI) February 5, 2022
انہوں نے کہا کہ میں یہ بات ایک عام شہری کی حیثیت سے کہہ رہی ہوں کیوں کہ میں روزانہ دیکھتی ہوں کہ سڑکوں کس قدر گڑھے بن چکے ہیں اور آئے روز ٹریفک جام ہوتا ہے جس کے باعث شہری اپنے گھر وقت پر نہیں پہنچ پاتے اور اپنے اہل خانہ کو وقت نہیں دے پاتے، یہی وجہ ہے کہ ان میں طلاق ہوتی ہے۔
ممبئی کے میئر کیشوری پیڈنیکر نے امروتا فیڈناویس کے دعوے کو حیراکن قرار دیتے ہوئے کہا کہ بی جے پی سے منسلک افراد ایسے ہی تبصرے کرتے ہیں اور شہری اب ایسے تبصروں سے تنگ آچکے ہیں۔
شیوسنا کی رہنما پریانکا چترویدی نے امروتا فیڈناویس کا نام لیے بغیر تنقید کا نشانہ بناتے ہوئے کہا کہ ‘دن کی بہترین دلیل دینے کا ایوارڈ مذکورہ خاتون کو جانا چاہیے جنہوں نے دعویٰ کیا ہے کہ ممبئی میں رہنے والے 3 فیصد شہریوں کی طلاق ٹریفک جام کی وجہ سے ہوئی’۔
انہوں نے بنگلورو کی فیملیز سے درخواست کی وہ ایسی چیزوں کو پڑھنے سے گریز کریں کیوں کہ یہ ان کی شادیوں کے لیے خطرناک اور نقصان دہ ہے۔
Best (il)logic of the day award goes to the lady who claims 3% Mumbaikars are divorcing due to traffic on roads. Please take a holiday break rather than having a mind on brake..
Bengaluru families please avoid reading this , can prove fatal for your marriages 😂— Priyanka Chaturvedi🇮🇳 (@priyankac19) February 5, 2022
