پی ایس ایل 7 میں اپنی بیٹنگ اور بولنگ سے دھوم مچانے والے مایہ ناز آل راؤنڈر راشدخان سوشل میڈیا پر بھی چھا گئے۔
ایونٹ میں نت نئے انداز سے شاٹس کھیل کر شائقین کو دنگ کرنے والے راشدخان خود بھی بیٹنگ انداز پر حیران ہیں۔
ٹوئٹر پر ویڈیو شیئر کرتے ہوئے راشد خان خود بھی اپنے بیٹنگ اسٹائل پر ہنس پڑے، انہوں نے لکھا کہ ‘اب اس کو کیا نام دوں’
ساتھ ہی انہوں نے شرماتی ایموجیز کے ساتھ لکھا کہ اب بیٹنگ کوچ کی اشد ضرورت ہے۔
Abi isko kya Name Dai 😂😂😂
Seriously need batting coach 🙈🙈🤦🏽 @lahoreqalandars @thePSLt20 pic.twitter.com/lzq99a5SC8
— Rashid Khan (@rashidkhan_19) February 4, 2022
انور علی نے شاٹس کا نام ملنگی تجویز کیا ہے جب کہ مزید صارفین اپنے اپنے انداز میں نام تجویز کرنے کے ساتھ ساتھ تبصرے کر رہے ہیں۔
اس سے قبل افغان لیگ اسپنر راشد خان کا جشن منانے کا منفرد نگ اسٹائل وائرل ہوگیا تھا۔
لاہور قلندرز کی نمائندگی کرنے والے افغان لیگ اسپنر راشد خان نے مخالف ٹیم کی وکٹ لینے کا کیچ پکڑنے کے بعد ناگ اسٹائل میں جشن منانے کا راز بتایا۔
Laka Da Maar 🐍 #HBLPSL7 l #LevelHai l #PZvLQ @rashidkhan_19 pic.twitter.com/wgd1U31yEK
— PakistanSuperLeague (@thePSLt20) February 2, 2022
میچ کے بعد ایرن ہالینڈ سے گفتگو کرتے ہوئے کوبرا اسٹائل سے متعلق بتایا کہ ‘ہم پشتو میں کسی گیند باز کی تعریف کرتے ہوئے تو کہتے ہیں کہ ‘تم نے سانپ کی طرح وکٹ لی’۔
