لاہور : پنجاب میں پی ایس ایل میچز میں 50 فیصد افراد کے داخلے کا نوٹی فکیشن جاری کردیا گیا ، تاہم 12 سال سے زائد والوں کو ویکسین کی دونوں ڈوز لگوانا ضروری ہے۔
تفصیلات کے مطابق محکمہ صحت پنجاب نے پی ایس ایل میچز میں 50 فیصدافراد کے داخلے کا نوٹی فکیشن جاری کردیا ، جس میں کہا گیا ہے کہ 10 سے 15 فروری تک 50 فیصد افراد کے داخلے کی اجازت ہو گی۔
نوٹی فکیشن میں بتایا گیا 100فیصد افراد کو16 سے 27 فروری تک داخلے کی اجازت ہوگی تاہم 12 سال سے زائد والوں کو ویکسین کی دونوں ڈوز لگوانا ضروری ہے۔
،مراسلے میں کہا گیا کہ ایس اوپیزکےساتھ12 سال سے کم عمروالےبغیرویکسین میچ دیکھنے آسکتے ہیں، انتظامیہ پابندی پر سختی سے عملدرآمد کرانے کی پابند ہے۔
خیال رہے پاکستان سپر لیگ کا دوسرا مرحلہ 10 فروری سے قذافی اسٹیڈیم لاہور میں شروع ہوگا، گذشتہ روز این سی او سی کے اجلاس میں فیصلہ کیا گیا تھا کہ میگا ایونٹ کے لاہور میں ہونے والے میچز میں 50فیصد شائقین کو اسٹیڈیم داخلےکی اجازت ہوگی۔
این سی او سی کا کہنا تھا کہ 15فروری تک ویکسینیٹڈ 50فیصد شائقین پی ایس ایل میچز اسٹیڈیم میں دیکھ سکیں گے جبکہ 16فروری سے 100فیصد شائقین کو میدان میں آنے کی اجازت ہوگی۔
