میرپورخاص : نوکوٹ کے قریب لڑکیوں کے اغواء اور زیادتی کے کیس میں اہم پیش رفت ہوئی ہے، پولیس نے گرفتار نو ملزمان کو سول جج ڈگری کی عدالت میں پیش کردیا۔
نوکوٹ کے قریب 2خواتین کے اغواء اور زیادتی کے کیس میں پولیس نے گرفتار کیے گئے ملزمان کو سول جج ڈگری کی عدالت میں پیش کردیا۔
زیادتی کی شکار دونوں لڑکیوں کو بھی عدالت میں بیان کے لئے پیش کیا گیا، پولیس نے مزید تفتیش کے لئےایک دن کا جسمانی ریمانڈ لے لیا،
وکیل نہ ہونے کی وجہ سےدونوں لڑکیوں کوکل عدالت میں پیش کیا جائے گا، واقعے کا ایک مرکزی ملزم تاحال گرفتار نہ ہوسکا۔
پولیس ذرائع کے مطابق زیادتی کے مرکزی ملزمان علی نواز اور نذر حیات تاحال گرفتار نہ ہوسکے، ملزمان کی گرفتاری کے لئےپولیس کی میرپورخاص، عمرکوٹ اور تھرپارکر کے مختلف علاقوں میں کارروائیاں جاری ہیں۔
دوسری جانب متاثرہ لڑکیوں کے اہل خانہ نے الزام عائد کیا ہے کہ میرپورخاص پولیس ملزمان کی گرفتاری میں دلچسپی نہیں لے رہی۔
واضح رہے کہ نوکوٹ میں مسلح درندوں نے دوسری کمیونٹی سے تعلق رکھنے والی 13 سالہ بچی سمیت دو لڑکیوں کو گھر سے اغوا کرکے پوری رات اجتماعی زیادتی کا نشانہ بنایا اور اگلے روز متاثرہ لڑکیوں کو ایک پولیس اہلکار کے گھر چھوڑ کر فرار ہوگئے تھے۔
