اسلام آباد: اسٹیٹ بینک آف پاکستان نے پرانے ڈیزائن کے منسوخ شدہ نوٹ تبدیل کرانے کی تاریخ میں توسیع کردی۔
اسٹیٹ بینک کی جانب سے جاری کردہ سرکلر کے مطابق پرانے ڈیزائن کے کرنسی نوٹ تبدیل کروانے کی تاریخ میں 31 دسمبر تک توسیع کردی گئی ہے۔
سرکلر کے مطابق پرانے ڈیزائن کے 10، 50، 10 اور 1000 کے نوٹ 31 دسمبر تک تبدیل کرائے جاسکتے ہیں۔
- Advertisement -
اس سے قبل اسٹیٹ بینک کا سرکلر میں کہنا ہے کہ 23 دسمبر 2021 کو حکومت کے گزٹ نوٹیفکیشن کے مطابق مدت ختم ہونے پر پرانے ڈیزائن کے بینک نوٹ منسوخ ہوجائیں گےاور ان کا تبادلہ نہیں کیا جاسکے گا۔
مرکزی بینک کا کہنا ہے کہ حکومت کی طرف سے دیے گئے ان بینک نوٹوں کے تبادلے کی تاریخ میں یہ حتمی توسیع ہے۔
عوام سے اپیل ہے کہ اس سے فائدہ اٹھائیں اور اپنے پرانے ڈیزائن کے بینک نوٹ کو 31 دسمبر تک تبدیل کریں۔
