قومی ٹیم کے سابق فاسٹ بولر تنویر احمد ثقلین مشتاق کو ہیڈ کوچ مقرر کیے جانے پر برس پڑے۔
اے آر وائی نیوز کے پروگرام ’اسپورٹس روم‘ میں سابق فاسٹ بولر تنویر احمد نے کہا کہ میں سخت خلاف ہوں ایسے بندے کے جو پاکستان چھوڑ کر چلا جائے اور بیرون ملک کوچنگ کرے۔
تنویر احمد نے کہا کہ جو شخص یہاں دس سے بارہ سال سے کوچنگ کررہا ہے آپ اس کو آگے کیوں نہیں لاتے۔
انہوں نے کہا کہ ثقلین مشتاق کے پاس انگلینڈ کی نیشنلٹی ہے، آپ پاکستان چھوڑ کر کیوں جاتے ہیں پھر واپس آجاتے ہیں، میری لڑائی یہی ہے کہ یہاں کے لوگوں کو اوپر کیوں نہیں لایا جاتا۔
’’میں سخت خلاف ہوں ایسے بندے کہ جو پاکستان چھوڑ کر چلا جائے میری لڑائی ان سے یہ ہے کہ جو بندہ یہاں دس بارہ سال سے کوچنگ کر رہا ہے اس کو آگے لاؤ‘‘، سابق ٹیسٹ کپتان یونس خان اور سابق ٹیسٹ کرکٹر تنویر احمد کا تجزیہ#ARYNews @YounusK75 @ImTanveerA pic.twitter.com/3d4oRkqHdj
— ARY News (@ARYNEWSOFFICIAL) February 9, 2022
سابق لیجنڈ بیٹسمین یونس خان نے کہا کہ شان ٹیٹ کو 12 ماہ کے لیے بولنگ کوچ مقرر کیا گیا ہے یہ سمجھ سے بالاتر ہے، بارہ مہینے پھر ایک سیریز کے لیے بناتے ہیں۔
انہوں نے کہا کہ اگر شان ٹیٹ کو ٹیم کے ساتھ رکھنا ہی ہے تو انہیں تین سال کا کنٹریکٹ دیں، یوسف بھائی کو بھی رکھنا ہے تو پراپر رکھیں، ایک اور دو سیریز کے لیے نہیں۔
یونس نے کہا کہ ثقلین مشتاق سے متعلق بھی کہا جارہا تھا کہ یہ کوچنگ چھوڑر ہے ہیں، جارہے ہیں پھر آگئے یہ سب چیزیں سمجھ نہیں آتیں۔
سابق کرکٹر نے کہا کہ ثقلین مشتاق کی کوچنگ میں ٹیم نے ورلڈ کپ میں اچھی کارکردگی دکھائی تو انہیں ہیڈ کوچ مقرر کردیا گیا اگر ٹیم کی کارکردگی بری ہوتی تو کیا کرتے یہ سب کچھ چیزیں پختگی ظاہر نہیں کرتیں۔
