قومی ٹیسٹ اوپنر شان مسعود سے متعلق سابق ہیڈ کوچ مکی آرتھرکا بیان آگیا۔
قومی ٹیم کے سابق ہیڈ کوچ مکی آرتھر نے سماجی رابطے کی ویب سائٹ ٹویٹر پر شان مسعود کے لیے نیک خواہشات کا اظہار کرتے ہوئے لکھا کہ ’ہم آپ کے منتظر ہیں اور لارڈز میں افتتاحی میچ کے لیے تیار ہیں۔‘
واضح رہے کہ ڈربی شائر نے شان مسعود کے لیے ٹویٹر پر لکھا کہ تھا ’شان مسعود کو آسٹریلیا کے خلاف ٹیسٹ سیریز کے لیے منتخب کیا گیا ہے۔
ڈربی شائر نے لکھا کہ ٹھیک ہے شان، ہم آپ سے جلد ملیں گے۔‘
یاد رہے کہ پاکستان کرکٹ بورڈ نے آسٹریلیا کے خلاف تین ٹیسٹ میچز کی سیریز کےلیے قومی اسکواڈ کا اعلان کردیا، سیریز کےلیے 5 ریزرو کھلاڑیوں کے ناموں کا بھی اعلان کیا گیا ہے۔
Good luck @shani_official and will see you with us straight after and ready for the opening game at Lords! https://t.co/Ws4Xz2zOoT
— Mickey Arthur (@Mickeyarthurcr1) February 9, 2022
پی سی بی کی جانب سے اعلان کردہ اسکواڈ میں تین تبدیلیاں کی گئی ہیں جس کے بعد حارث رؤف اور شان مسعود کی ٹیسٹ اسکواڈ میں واپسی ہوئی ہے، دونوں کھلاڑیوں کو بلال آصف اور عابد علی کی جگہ شامل کیا گیا جب کہ یاسر شاہ کو ریزرو کھلاڑیوں میں شامل کیا گیا ہے۔
مزید پڑھیں: آسٹریلیا کے خلاف ٹیسٹ سیریز کےلیے قومی اسکواڈ کا اعلان
ٹیسٹ اسکواڈ کے کپتان بابر اعظم اور نائب کپتان محمد رضوان، عبداللہ شفیق، اظہرعلی، فہیم اشرف، فوادعالم، حارث رؤف، حسن علی، امام الحق، محمدنواز، نعمان علی اور ساجدخان اسکواڈ شامل ہیں۔
قومی اسکواڈ میں سعود شکیل، شاہین شاہ آفریدی، شان مسعود، زاہد محمود جب کہ ریزرو کھلاڑیوں میں کامران غلام، محمد عباس اور نسیم شاہ، سرفراز احمد اور یاسر شاہ شامل ہیں۔
