موبائل فون میں مگن نوجوان گودام کے تہہ خانے میں گرنے کے باوجود زخمی ہونے سے بال بال بچ گیا۔
یہ واقعہ ترکی میں پیش آیا جہاں شاپنگ مال کی دکان میں زیرزمین بنائے گودام میں جانے کے لیے راستہ کھولا گیا تو ایک نوجوان ملازم بے دھیانی میں چلتے چلتے اس میں جاگرا۔
خوش قسمتی سے نوجوان تہہ خانے میں رکھے باکسز کے اوپر آ گرا اور براہ راست زمین پر گرنے سے بچ گیا۔
ویڈیو میں دیکھا جا سکتا ہے کہ دکان میں ملازمین اپنے امور انجام دے رہے ہیں کہ اس دوران 19 سالہ عبداللہ جو کہ اسی دکان کا ملازم ہے وہ پوری طرح موبائل میں مگن ہو کر آگے بڑھ رہا ہے۔
بے خیالی میں جب نوجوان اس مقام پر پہنچتا ہے جہاں زیرزمین جانے کے لیے راستہ بنایا گیا ہے تو اس کا پاؤں اندر چلا جاتا ہے اور اگلے ہی لمحے وہ تہہ خانے میں پڑے باکس پر جاگرتا ہے۔
نوجوان کا کہناہے کہ مجھے پتہ ہی نہیں چلا کہ کیا ہوا میں فون پر اپنا کام کر رہا تھا کہ اچانک نیچے جا گرا، میں نے کھلا حصہ دیکھا ہی نہیں اور خوش قسمتی سے باکس میں پھنس کر زمین پر گرنے سے بچ گیا۔
