کراچی: صوبہ سندھ کے دارالحکومت کراچی میں سہیلی کی 3 سالہ بچی کو اغوا کرنے والی خاتون کو پولیس نے گرفتار کرلیا، ملزمہ نے 50 لاکھ تاوان طلب کیا تھا۔
تفصیلات کے مطابق کراچی کے علاقے اجمیر نگری میں خاتون نے سہیلی کی بیٹی کو اغوا کرلیا اور 50 لاکھ تاوان طلب کیا تاہم پولیس نے اغوا کار خاتون کو گرفتار کرلیا۔
پولیس کا کہنا ہے کہ ملزمہ صدف نے 3 سالہ بچی کو ٹیوشن سے آتے ہوئے اغوا کیا، صدف بچی کی ماں کی دوست تھی، پیسوں کی ضرورت پڑنے پر صدف نے اغوا کی منصوبہ بندی کی۔
- Advertisement -
پولیس کے مطابق ملزمہ نارتھ کراچی میں بچی کے ٹیوشن سینٹر پہنچی، بچی کو اغوا کے بعد صدف میکے پہنچی تو اسے خوف محسوس ہوا جس کے بعد وہ بچی کو دوبارہ ٹیوشن سینٹر کے دروازے پر چھوڑ کر فرار ہوگئی۔
پولیس نے ملزمہ کو گرفتار کرلیا ہے۔
