شوبز انڈسٹری کی ابھرتی ہوئی اداکارہ اور سینئر اداکار شہود علوی کی بیٹی اریبہ علوی نے اچانک منگنی کرلی۔
پاکستانی ڈرامہ انڈسٹری کی اداکارہ اریبہ علوی نے فوٹو اور ویڈیو شیئرنگ ایپ پر مداحوں کو اپنی منگنی کی اطلاع دی اور انگوٹھی پہنے تصویر شیئر کرتے ہوئے لکھا کہ آخرکار میں نے ’ہاں‘ کہہ دی۔
اریبہ علوی کو ان کے منگیتر نے ’ٹرٹل بیچ‘ پر خوبصورتی سے سجے ساحل پر پروپوز کیا جس کے جواب میں انہوں نے ہاں کردی۔
View this post on Instagram
اریبہ علوی کی منگنی کی پوسٹ پر ساتھی اداکار و مداحوں کی بڑی تعداد انہیں مبارکباد دے رہی ہے۔
یاد رہے کہ اریبہ علوی پاکستانی ڈرامہ انڈسٹری کا ابھرتا ہوا نام ہیں، وہ پہلی بار نجی ٹی وی کے ڈرامہ سیریل ’انا‘میں ہانیہ عامر، عثمان مختار اور شہزاد شیخ کے ساتھ اداکاری کرتے دیکھی گئی تھیں۔
48 سالہ شہود علوی پاکستانی ٹی وی اداکار، ہدایت کار اور پروڈیوسر ہیں، سینئر اداکار 1994 سے پاکستانی ٹیلی ویژن ڈراموں میں کام کر رہے ہیں۔
