کیف: یوکرین میں باپ اور کمسن بیٹی کی الوداعی ملاقات کی جذباتی ویڈیو سوشل میڈیا پر وائرل ہوگئی۔
سوشل میڈیا پر وائرل ہونے والی ایک ویڈیو میں باپ اور بیٹی کی الوداعی ملاقات کے جذباتی منظر کو دیکھا جا سکتا ہے، ایک غم زدہ باپ اپنی کم سن کو بیٹی کو پیار کر رہا ہے اور گلے سے لگا کر رو رہا ہے۔
اس کے بعد وہ شخص اپنی بیوی کو الوداع کرتا ہے اور بس میں سوار بیٹی کو جاتے ہوئے دیکھ کر روتا رہتا ہے۔ ویڈیو میں نظر آنے والا شخص حلیے سے فوجی لگ رہا ہے جو جنگ کے لیے خود تو رک جاتا ہے لیکن اہل خانہ کو محفوظ مقام پر بھیج دیتا ہے۔
⚠️#BREAKING | A father who sent his family to a safe zone bid farewell to his little girl and stayed behind to fight …
#Ukraine #Ukraina #Russia #Putin #WWIII #worldwar3 #UkraineRussie #RussiaUkraineConflict #RussiaInvadedUkraine pic.twitter.com/vHGaCh6Z2i
— New News EU (@Newnews_eu) February 24, 2022
سوشل میڈیا صارفین کی ویڈیو دیکھ کر غمزدہ ہوگئے اور باپ اور بیٹی کے لیے نیک خواہشات کا اظہار کیا ہے۔
واضح رہے کہ یوکرین کے دارالحکومت کیف پر روسی حملے میں فوجیوں سمیت 100 سے زائد افراد ہلاک ہوچکے ہیں، جنگ زدہ علاقوں میں انسانی المیوں پر مشتمل دلگداز کہانیاں جنم لے رہی ہیں۔
