معروف ٹک ٹاک اسٹار حریم شاہ پر شیر نے حملہ کر دیا جس کی ویڈیو انہوں نے خود شیئر کر دی ہے۔
ٹک ٹاکر حریم شاہ فوٹو اینڈ ویڈیوز شیئرنگ انسٹا گرام پر کافی متحریک رہتی ہیں۔ انہوں نے اپنی ایک ویڈیو شیئر کی ہے جس میں دیکھا جا سکتا ہے کہ وہ ایک ہال نما کمرے میں کھڑی ہیں اور وہیں ایک آدمی شیر لے آتا ہے۔
شیر نے حریم شاہ کو دیکھتے ہی حملہ کیا۔ شیر نے ٹک ٹاک اسٹار کو اپنا اگلا پنجہ مارنے کی کوشش کی جس سے وہ گرتے گرتے بچ گئیں۔
View this post on Instagram
اس کے بعد حریم شاہ وہاں سے ہٹ جاتی ہیں جب کہ شخص شیر کو قابو کرنے کی کوشش کرتا ہے۔ ٹک ٹاک اسٹار کی اس ویڈیو کو ہزاروں صارفین نے دیکھا تاہم حریم شاہ نے ویڈیو پر تبصرہ کرنے کا آپشن بند رکھا ہے۔
خیال رہے کہ حریم شاہ کسی نہ کسی تنازع کی وجہ سے خبروں میں رہتی ہیں۔ حال ہی میں انہوں نے لندن سے ایک ویڈیو شیئر کی تھی جس میں انہیں غیر ملکی کرنسی کے ساتھ دیکھا گیا تھا۔
حریم شاہ نے کہا تھا کہ وہ پاکستان سے غیر ملکی کرنسی باآسانی لے آئیں جب کہ انہیں کسی نے نہیں روکا۔ جب ایف آئی اے نے کارروائی شروع کی تو ٹک ٹاک اسٹار نے ویڈیو کو مذاق قرار دے دیا۔
